Сервис, функционирующий при поддержке Azercell, представил годовой отчет

Əsas məqsədi çətin həyat vəziyyətində olan uşaqlara sosial, psixoloji və hüquqi yardım göstərmək olan Azərbaycan Uşaq Qaynar Xətt xidmətinə 2023-cü ildə 4500-ə yaxın müraciət daxil olub. Azercell-in dəstəyi ilə yaradılan və fəaliyyət göstərən qaynar xəttə hüquqi məsələlərlə bağlı 1329, psixoloji problemlərlə bağlı 1080, təhsillə bağlı 1004 müraciət daxil olub. 718 müraciət sosial, 196 müraciət isə səhiyyə ilə bağlı olub. 126 müraciət digər sahələrə aid olub. Xidmətə müraciət edən uşaqların 53%-ni qızlar, 46%-ni isə oğlanlar təşkil edib. Zənglərin 1%-i anonim edilib.

Azərbaycan Uşaq Qaynar Xətt xidmətinin hədəf qrupuna təkcə 18 yaşına çatmamış uşaqlar daxil deyil. Problemləri ilə bağlı bütün vətəndaşlar xidmətə müraciət edə bilərlər. Xidmət mütəxəssisləri müraciətlərə baxır, onların müvafiq qurumlara göndərilməsini təmin edir, məişət problemlərindən tutmuş məişət zorakılığı və zorakılıq kimi ciddi problemlərə qədər geniş spektrli məsələlərdə uşaqlara dəstək olur, həmçinin mütəmadi olaraq maarifləndirici tədbirlər həyata keçirir. Qeyd edək ki, xidmətin fəaliyyət göstərdiyi 2010-2023-cü illər ərzində "qaynar xətt”ə 72 mindən çox zəng daxil olub.