Polşa Ukrayna üçün 5 min ədəd “Starlink” terminalı alacaq

Polşa Ukrayna üçün ABŞ-nin “Space X” şirkətinin əlavə 5 min ədəd “Starlink” peyk rabitə terminalını alacaq. Bu barədə Polşanın rəqəmsallaşdırma naziri Kşiştof Qavkovski “Radio Zet” radiostansiyasının efirində bildirib.

"Biz daha 5 min ədəd “Starlink” terminalının alınması prosesindəyik", - o qeyd edib.

Nazirin sözlərinə görə, Varşava artıq 30 minə yaxın terminal tədarük edib. Onlara xidmət xərcləri Polşaya ildə 200 milyon dollara başa gəlir.