ABŞ və İran danışıqları Cenevrədə keçiriləcək

ABŞ və İran danışıqlarının fevralın 26-da Cenevrədə İranın nüvə sazişi ilə bağlı təklifin müzakirəsi üçün baş tutması gözlənilir.Bu barədə “Axios” məlumat yayıb.

Tramp administrasiyası təklifi aprelin 25-nə qədər alacağını gözləyir.

İranın xarici işlər naziri Abbas Əraqçi bildirib ki, cümə axşamı günü Cenevrədə ABŞ Prezidenti Donald Trampın elçiləri Stiv Uitkoff və Cared Kuşnerlə görüşməyi planlaşdırır.

Diplomat əlavə edib ki, o, hələ də təklif üzərində işləyir və Tehrandakı siyasi rəhbərlik hələ onu imzalamayıb. Əraqçı, təklifin Cenevrədə müzakirə olunacağını və hər iki tərəfin sürətli razılaşma əldə etmək üçün mətn üzərində işləyəcəyinə inandığını bildirib.