Bakı dünyanın yaşamaq üçün ən yaxşı şəhərləri siyahısında

Şəhərlər bir neçə parametr üzrə qiymətləndiriliblər.  

Oxu.Az xəbər verir ki, reytinq Economist Intelligence Unit (EIU) tədqiqat şirkətinin əməkdaşları tərəfindən bir neçə göstərici əsasında tərtib olunub.

Bunlar – sabitlik, səhiyyə sistemi, mədəniyyət və ətraf mühit, təhsil və infrastrukturdur.

Bu göstəricilər üzrə orta rəqəmlər şəhərin cədvəldə yerini müəyyənləşdirib. Ümumilikdə siyahıya 140 şəhər daxil olub.

Beynəlxalq ekspertlər Bakının sabitliyini 65 bal, səhiyyə - 66,7 bal, mədəniyyət və ətraf mühit – 60,9 bal, təhsil – 75 bal, infrastrukturun inkişafı – 50 bal qiymətləndiriblər. Ümumilikdə Bakı 62,3 bal alıb.

Reytinqə isə ümumilikdə 97,5 bal qazanmış Avstraliyanın paytaxtı Melburn başçılıq edir. İlk beşliyə həmçinin Avstriyanın paytaxtı Vyana (97,4), Kanadanın Vankuver (97,3) və Toronto (97,2) şəhərləri və Avstraliyanın Adeliadası (96,6) daxil olublar.

Onu da qeyd edək ki, Cənubi Qafqaz şəhərlərindən reytinqdə yalnız Bakı təmsil olunur, yəni Gürcüstan və Ermənistanın paytaxtları Tbilisi və İrəvan siyahıda yer almayıblar.