Zakir Həsənov İsrail səfiri ilə görüşdü

İkitərəfli münasibətlər müzakirə olundu.

Sentyabrın 22-də Azərbaycanın müdafiə naziri general-polkovnik Zakir Həsənov İsrail Dövlətinin ölkəmizdə yeni təyin olunmuş fövqəladə və səlahiyyətli səfiri Dan Stav ilə görüşüb.

Bu barədə Müdafiə Nazirliyindən bildiriblər.

Məlumata görə, səfiri ölkəmizdə diplomatik fəaliyyətə başlaması münasibətilə təbrik edən Müdafiə naziri ona Azərbaycan ilə İsrail arasında əməkdaşlığın genişləndirilməsi istiqamətində uğurlar arzulayıb.

Görüşdə ikitərəfli münasibətlər və qarşılıqlı maraq doğuran digər məsələlər barədə fikir mübadiləsi aparılıb.