Parlament seçkilərinin ən yaşlı və ən gənc namizədləri onlardır

Deputatlığa iddialı ən yaşlı şəxs 79, ən gənci isə 25 yaş 22 günlükdür

Azərbaycanda noyabrın 1-də keçiriləcək parlament seçkilərində iştirak edən namizədlərin ən yaşlısı 79, ən gəncin isə 25 yaşı var.

Lent.az-ın Mərkəzi Seçki Komissiyasının saytında qeyd olunan məlumatları əsasında apardığı araşdırmaya görə, seçkilərdə iştirak edən ən yaşlı namizəd 50 saylı Abşeron Qobustan seçki dairəsindən xalq artisti Zeynəb Xanlarovadır. Zeynəb Xanlarova 28.12.1935-ci ildə anadan olub. Z.Xanlarova Azərbaycan parlamentinin ən çox deputatlıq mandatı daşıyan üzvlərindəndir. O, seçkilərə bitərəf namizəd kimi qoşulur.

Parlament seçkilərində ən gənc namizəd isə 18 daylı Nərimanov-Nizami seçki dairəsindən Zaur Mehdiyevdir. Zaur Mehdiyev 16.09.1990-cı ildə anadan olub. Onun namizədliyi Böyük Quruluş Partiyası tərəfindən irəli sürülüb.


www.ann.az