Telman İsmayılovun xalq artistinə verdiyi villa əlindən alındı

Azərbaycanlı iş adamı Telman İsmayılovun Rusiyanın xalq artisti Nikolay Baskova bağışladığı villa sənətçinin əlindən alınıb. Modern.az saytı Qafqazinfo-ya istinadən xəbər verir ki, bu haqda xalq artisti Türkiyə-Rusiya münasibələrinin pozulmasından danışarkən məlumat verib: "Türkiyədə nə istirahət etmək, nə də işləmək arzum var. 3 il əvvəl ad günümdə Telman İsmayılov "Mardan Palace” otelinin ərazisində villa hədiyyə etmişdi. Otel satıldığı üçün villa əlimdən alınıb. Türkiyə ilə heç bir əlaqəm yoxdur”.  

Qeyd edək ki, Telman İsmayılov tanınmış müğənni Nikolay Baskovun 37 yaşı münasibətilə ziyafət vermiş, doğum günü hədiyyəsi olaraq villa bağışlamışdı. Həmin villada bir sutka yaşamağın qiyməti 7000 dollar idi.