Baş Prokurorluq monopolist şirkətlərlə bağlı araşdırma aparır

"Heç kim bu prosesdən kənarda qalmayacaq”.

Monopolist şirkətlər ilə bağlı biz araşdırma aparırıq. Belə hallar müyyən olunacaqsa buna qarşı tədbir görüləcək.

Oxu.Az xəbər verir ki, bu barədə Baş Prokuror yanında Korrupsiyaya qarşı Mübarizə Baş İdarəsinin rəisi Kamran Əliyev bu gün keçirdiyi mətbuat konfransında bildirib.

"Heç kim bu prosesdən kənarda qalmayacaq”, - deyə K.Əliyev qeyd edib.

Xatırladaq ki, Azərbaycan  Prezidenti İlham Əliyev çıxışlarının birində bildirib ki, gömrük rəsmiləşdirilməsi və bütün idxal-ixrac əməliyyatları tam şəffaf aparılmalıdır. İnhisarçılığa qarşı daha da ciddi mübarizə aparılmalıdır:

"Hesab edirəm ki, bax, biz bu üç istiqamət üzrə fəal işləsək büdcə gəlirlərimizin məbləğini böyük dərəcədə artıra bilərik. Hesab edirəm ki, büdcəyə mövcud proqnozlardan daha çox vəsait daxil olmalıdır”, - deyə, İ. Əliyev vurğulayıb.