Azərbaycanda digər universitetlər birləşdiriləcək?

Rabitə və Nəqliyyat Kolleci Texniki Universistetin nəzdinə, Maliyyə İqtisad Kolleci isə Dövlət İqtisad Universitetinin nəzdinə verildi. Bundan da başqa, bir neçə ay bundan öncə, Azərbaycan Müəllimlər Universisteti Azərbaycan Pedaqoji Universitetinə birləşdirilib. Bu proses artıq başlayıb.

Oxu.Az xəbər verir ki, bunu Təhsil Nazirliyinin ictimaiyyətlə əlaqələr şöbəsinin müdiri Cəsarət Valehov bildirib.

"Gələcəkdə digər ali təhsil müəssisələrinin birləşdirilməsi ilə bağlı suala gəldikdə isə bu planlar ilə bağlı nəsə qeyd etmək doğru olmazdı”, - deyə C.Valehov qeyd edib.

"Burda söhbət infrastrukturdan deyil, eyni zamanda keyfiyyətin yüksəldilməsindən gedir. Yəni, əgər bir orta ixtisas təhsil müəssisəsində tələbə daha keyfiyyətli təhsil ala bilmir, maddi çağırışlarla qarşılaşaraq öz biliyini artıra bilmirsə, bunun üçün onun daha ciddi, daha innovativ təhsil müəssisəsi ilə əlaqələndirilməsinə ehtiyac var”, - deyə nazirliyin rəsmisi əlavə edib.