Əlillərin problemləri bu dəfə Gəncədə müzakirə edildi

Layihənin məqsədi hərəkət imkanları məhdud olan insanların yaşam şəraitinin yaxşılaşdırılması və eyni zamanda onların hüquqlarının qorunmasının gücləndirilməsidir. Layihə həyata keçirilən rayonlarda (Gəncə şəhəri, Goranboy, Samux, Şəmkir və Göygöl rayonları) hərəkət imkanları məhdud insanların hüquqularının qorunması üçün onlara və onların ailə üzvlərinə, həmçinin müvafiq dövlət strukturları, KİV və QHT nümayəndələri üçün təlimlərin təşkil olunacaq.

Təlimi giriş sözü ilə müstəqil ekspert Rövşən Novruzov açaraq layihə barəsində proyektor vasitəsilə təqdimat edib. Eyni zamanda Gəncə şəhəri icra hakimiyyətinin nümayəndəsi də çıxış edərək təlim işirakçılarına  uğurlar arzulayıb. Təlimdə Ombudsman Aparatı Gəncə Regional Mərkəzinin rəhbəri Səbuhi Abbasov "Əlillərin hüquqlarının qorunması üçün mövcud qanunvericilik” mövzusunda təlimi davam etdirib.

Təlim interaktiv bir formada keçirilib. 

Layihə çərçivəsində yaradılacaq "Çağrı Mərkəzi”ndə hərəkət imkanları məhdud insanlara hüquqi yardımın göstərilməsi, onların reabilitasiya və sosial problemləri ilə bağlı məsləhətlərin verilməsi təşkil olunacaq.

"Azərbaycanda Vətəndaş Cəmiyyəti - Media - Hökumət və Özəl sektorun Səyləri ilə Hərəkət İmkanları Məhdud İnsanların Yaşam Şəraitinin Yaxşılaşdırılması və Hüquqlarının Qorunmasının Gücləndirilməsi” layihəsini  İqtisadi və Sosial İnkişaf Mərkəzinin (CESD) icra edir.