​Elçin Behbudovun qardaşı 8 min manatlıq dələduzluqda ittiham olunur

"Report"un əldə etdiyi məlumata görə, Eldar Behbudov həmin vətəndaşlardan ayrı-ayrı vaxtlarda ümumilikdə 8 min manat (3 min və 5 min manat) pul alıb.

Lakin sonradan o, həmin şəxslərin pullarını geri qaytarmayıb. Eldar Behbudov Cinayət Məcəlləsinin 178.2.4-cü (dələduzluq, xeyli miqdarda ziyan vurmaqla törədildikdə) maddəsi ilə ittiham olunur.

Eldar Behbudovun bacısı "Report"a bildirib ki, qardaşı Yasamal Rayon Polis İdarəsinə çağırılıb: "Bu gün qardaşımla danışdım. O, mənə dedi ki, Yasamal Rayon Polis İdarəsinin rəisi məni idarəyə çağırıb. Rəis qardaşımın tanışı olduğu üçün onunla görüşmək məqsədi ilə idarəyə çağırıb. Lakin Eldar Behbudovun həbs olunması yalandır. O, hazırda polis idarəsindədir".

Qeyd edək ki, İşgəncələrə Qarşı Azərbaycan Komitəsinin sədri Elçin Behbudov 2015-ci ilin noyabr ayının 13-də vəfat edib.