Genetik Ehtiyatlar İnstitutunun əməkdaşı Praqada ezamiyyətdə

O, Çexiyanın Praqa şəhərində yerləşən Bitki Genetik Ehtiyatları İnstitutunda, Bitki Müxtəlifliyi üzrə Qlobal Etimad Fondunun (QEF) maliyyə yardımı ilə təşkil edilən GRİN-Global Seminarında (GRİN - Rüşeym plazması Ehtiyatlarının İnformasiya Şəbəkəsi) iştirak edib.

GRIN-Global (GG) genbanklar üçün bitki genetik ehtiyatları ilə əlaqəli informasiyanın saxlanılmasını, idarə olunmasını və  global şəkildə paylanmasını  təmin edən  server əsaslı bir məlumat bazası - tətbiqi proqramdır. GRIN-Global layhəsinin məqsədi Rüşeym plazması Ehtiyatlarının İnformasiya Şəbəkəsinin geniş miqyaslı versiyasını dünyada olan bütün Genbankların istifadəsi üçün əlverişli etməkdir.

İlkin versiya 1.0.7. - 2011-ci ilin dekabr ayında QEF-in, Beynəlxalq Biomüxtəliflik İnstitutunun və Amerika Birləşmiş Ştatları Kənd Təsərrüfatı Departamentinin (USDA) birgə səyi nəticəsində reallaşdırılıb.

Seminarda Azərbaycan, Kolumbiya, Livan, İordaniya, Fransa, Meksika, Peru, Belçika, Portuqaliya, Almaniya, Hindistan daxil olmaqla, 18 ölkədən 30–a yaxın alim və mütəxəssis iştirak edib.

Seminarin məruzəçiləri QEF-in ABŞ ofisindən Dr.Martin Reisinger və CIMMYT (Buğda və Qarğıdalının Yaxşılaşdırılması üzrə Beynəlxalq Mərkəz, Meksika) ofisindən Xuan Karlos Alarkon olmuşdur. Seminarda bitki genetik ehtiyatları üzrə qlobal informasiya sisteminin yaradılması və milli sistemlərin buraya inteqrasiyası, həmçinin məlumatların idarə olunması və onların təhlükəsizliyi məsələləri geniş müzakirə edilib.

Seminar müddətində Çexiyanın Milli Genbankına səfər təşkil olunmuş, burada həmçinin ikitərəfli əlaqələrdən də bəhs edilib.