Nazirlik bəzi KİV-i təxribatda ittiham etdi
29.02.2016 15:42
Azərbaycan Müdafiə Nazirliyi bəzi KİV-i yalan xəbər yaymaqda ittiham edib.
Müdafiə Nazirliyinin mətbuat xidmətindən APA-ya bildirilib ki, bu gün bəzi elektron kütləvi informasiya vasitələrində 2014-cü ilin iyun ayında Naxçıvan istiqamətində yerləşən qoşunların təmas xəttindəki vəziyyətlə əlaqədar dərc olunmuş dezinformasiya xarakterli məlumat təkrarən sosial şəbəkələr və elektron mediada yayımlanıb.
"Məlumat təqribən iki il əvvəl verilib və elə o vaxt da dərhal Müdafiə Nazirliyi tərəfindən bu xəbərin dezinformasiya olması bildirilib. Bu əsassız xəbərin yenidən gündəmə gətirilməsini kimlərinsə maraqlarına xidmət və təxribata şərait yaratmağa cəhd kimi dəyərləndiririk” - deyə məlumatda qeyd olunub.
Qeyd edək ki, bu gün bəzi elektron kütləvi informasiya vasitələri ermənilərin Naxçıvana hücum etməsi barədə məlumatlar yayıb.
www.ann.az
Twitter
Bizi Twitterdə izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
