​İstanbulda antiterror əməliyyatı nəticəsində 49 şübhəli saxlanıldı

"Report" xəbər verir ki, bu haqda Türkiyə KİV-i məlumat yayıb.

Məlumata görə, onlardan 30-u, o cümlədən 9 vəkil həbs edilib.

Vəkillərin arasında Ankaradakı terroru törədən Səhər Çağla Demirin vəkili Hüseyn Boğatekin də var.

Tutulan şübhəlilər İstanbuldakı Təhlükəsizlik İdarəsinə aparılıblar. Onlar barəsində araşdıma başlanılıb.

Əməliyyatda xüsusi təyinatlılar, terrorçuluğa qarşı mübarizə şöbəsinin əməkdaşları, polis qüvvələri iştirak edib.

Qeyd edək ki, terrorçu qruplaşmalar Novruz bayramı günlərində bütün vasitələrdən yararlanaraq, Türkiyədə qarışıqlıq yaradacaqlarına dair çıxışlar edib, bu haqda Avropa KİV-ində müsahibələr veriblər.