Qulu Məhərrəmliyə qarşı iki rayonda məhkəmə prosesi keçiriləcək

Bu barədə ANN.Az-a vəkil Nicat Gözəlov məlumat verib. 

Onun sözlərinə görə, Arif Alışanovun Qulu Məhərrəmliyə qarşı ayrı-ayrılıqda iki iddiası var: "Aprelin 1-də, sabah saat 09:30-da Yasamal Rayonu Məhkəməsində Azər Tağıyevin sədrliyi ilə keçiriləcək məhkəmədə xüsusi iittiham qaydasında iddiaya baxılcaq. Digər mülki qaydada qaldırılmış iddiaya Nəsimi Rayon Məhkəməsində keçiriləcək".

 

Vəkil qeyd edib ki, Qulu Məhərrəmli iki dəfə ayrı-ayrı rayon məhkəmələrinə verildiyi üçün iş vəkillər qrupuna tapşırılıb: "100 min manatlıq cərimə ilə bağlı Nəsimi Rayon Məhkəməsində Qulu Məhərrəmlinin nümayəndəsi olacam. Yəni onu məhkəmə prosesində təmsil edəcəm".

  

Arif Alışanovun məhkəməyə müraciət eləməsinə səbəb Qulu Məhərrəmlinin bir neçə media qurumunda televiziyanın kütləvi yayıma başlamasının 60 illiyi ilə bağlı verdiyi açıqlamalardır. Jurnalist həmin açıqlamalarda AzTV-nin bugünkü fəaliyyətini bəyənmədiyini bildirib, bunu qurumun rəhbərinin qeyri-peşəkar olması və yaradıcı menecmenti bilməməsi ilə izah edib. Teletənqidçi bu barədə fikirlərini deyərkən sərt ifadələr işlədib.

 

www.ann.az