Azərbaycanda ilk dəfə ADU-da ÖSD imtahanları təşkil olunacaq - Fotolar

 

Müqaviləyə əsasən Avstriyalı mütəxəssislər-Beate Foltin və Sandra Braun tərəfindən 4-7 aprel 2016-cı il tarixlərində adıçəkilən mərkəzin əməkdaşlarına ÖSD imtahanları üzrə təlimlər keçiriləcək.

 

Təlimlərdən sonra Azərbaycanda ilk dəfə Azərbaycan Dillər  Universitetində 8-9 aprel 2016-cı il tarixlərində alman dili üzrə ÖSD imtahanları təşkil olunacaq və bu imtahanlar mütəmadi olaraq  hər 3-4 aydan bir Dillər Universiteti tərəfindən həyata keçirələcək.  Bununla da ADU Avstriya, İsveçrə və Almaniyada tanınan dil sertifikatları vermək hüququnu əldə edəcək.

 

Qeyd edək ki, Avstriyanın alman dili üzrə beynəlxalq sertifikat verən qurumu olan ÖSD nəinki Avstriyada, hətta Almaniya və İsveçrədə də tanınır. Belə ki, həmin sertifikatlar əmək bazarında, ali təhsil məktəblərində, digər tədris müəssisələrində, eləcə də yaşayış hüququ aldıqda keçərli hesab olunur.