Məktəblərdə “edu.ann.az” layihəsinin təqdimatına başlanılıb - FOTOLAR

Azərbaycan Respublikası Təhsil Nazirliyinin və  Bakı Şəhəri Təhsil İdarəsinin dəstəyi ilə ANN.az xəbər portalının hazırladığı "edu.ann.az” layihəsinin təqdimatına başlanılıb. İlk təqdimat mərasimi 8 apret 2016-cı il tarixində Bakı şəhəri Suraxanı rayonu 275 saylı tam orta məktəbdə baş tutub.
 
Layihənin məqsədi şagirdlərin ədəbiyyat dərslərində verilən sinifdən xaric qiraət vasitələri ilə təmin olunması və onların asudə vaxtlarının səmərəli keçirilməsinin təşkil olunmasıdır. "edu.ann.az” saytı vasitəsi ilə 5-11-ci sinif şagirdləri onlara tapşırılan əlavə ədəbiyyat materiallarını kitabxanaya getmədən, qısa bir zamanda əldə edə biləcəklər.
 
Sözü gedən layihənin təqdimatında 275 saylı məktəbin müəllim və şagird kollektivinə "edu.ann.az” layihəsi haqqında məlumatlar verilib, saytın istifadə qaydası izah olunub.
 
Nəzərinizə çatdırırıq ki, "edu.ann.az” layihəsinin hazırlanması barəsində təkliflər 2013-cü ildə Azərbaycan Respublikası Təhsil Nazirliyinə təklif olunmuş, və təkliflər bəyənilərək layihənin elektron kitabxana formasında təşkil olunması qərara alınmışdır.
 

www.ann.az