Piyadanı vuran sürücü hadisə yerindən qaçdı
10.04.2016 14:00
Bakı-Qazax magistral yolunda ölümlə nəticələnən ağır yol qəzası baş verib. Baş Dövlət Yol Polisi İdarəsindən ANS PRESS-ə verilən məlumata görə, hadisə Hacıqabul rayonu Qarasu kəndi ərazisində qeydə alınıb. Göyçay rayonunun Qarabaqqal kənd sakini Əhməd Bəxtiyar oğlu Nuriyev idarə etdiyi 90- MU- 953 dövlət nömrə nişanlı "Mercedes” markalı avtomobillə yolu keçən piyada Qarasu kənd sakini, 1972-ci il təvəllüdlü Rza Alış oğlu Abışov vurub.
Qəza nəticəsində piyada Rza Abışov aldığı xəsarətlərdən hadisə yerində dünyasını dəyişib. Sürücü Əhməd Nuriyev isə mərhumun ailə üzvlərinin ona xəsarət yetirə biləcəyindən ehtiyat edərək avtomobilini hadisə yerində qoyaraq ərazidən uzaqlaşıb. bir müddət sonra isə polisə könüllü olaraq təslim olub.
Ölkə ərazisində ölümlə nəticələnən sonuncu ağır qəza Şəmkir rayonunda qeydə alınıb. Bakı - Qazax magistralının rayonun Könüllü kəndi ərazisindən keçən hissəsində "Mercedes” markalı yük avtomobili ilə "VAZ 2106” markalı minik maşını toqquşub. Nəticədə "VAZ”-ın sürücüsü 47 yaşlı Mürvət Məmmədov və sərnişin 45 yaşlı Rafiq Verdiyev dünyasını dəyişib.
www.ann.az
Facebook
Bizi Facebookda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
