Gül bayramı Prezidentin göstərişilə ləğv edilib

Bakıda hər il ənənəvi olaraq mayın 10-da keçirilən Gül bayramı ilə bağlı qərar verilib. Bu haqda Modern.az saytına Bakı Şəhər İcra Hakimiyyətindən bildirilib.

Rəsmi məlumata görə, Gül bayramı prezident İlham Əliyev tərəfindən verilən göstərişlə ləğv edilib. Belə ki, dövlət başçısı bu tədbirin keçiriləcəyi vaxtın şəhidlərin 40 mərasiminə düşdüyünü nəzərə alaraq, bayramın ləğvi haqda göstəriş verib.

Bakı Şəhər İcra Hakimiyyətinin başçısı Hacıbala Abutalıbovun təşəbbüsü olan Gül bayramı hər il mayın 10-da mərhum eks-prezident Heydər Əliyevin ad günündə keçirilir.