"10-dan yuxarı yaşlı 33 uşağı övladlığa götürmək istəyən yoxdur"
15.04.2016 17:55
"Hazırda Azərbaycanın dövlət uşaq müəssisələrində təlim-tərbiyə və təhsil alan uşaqların sayı 10 105 nəfərdir. Həmin uşaqlar əsasən 5 - 17 yaşlılardır".
"Report"un məlumatına görə, bunu Təhsil Nazirliyinin de-institutlaşma və Uşaqların Müdafiəsi İdarəsinin Uşaqların müdafiəsi, alternativ qayğı və monitorinq şöbəsinin müdiri Cəmilə Tağıyeva media nümayəndələri üçün keçirilən təlimdə çıxışı zamanı deyib.
Onun sözlərinə görə, 10 105 nəfərdən 33-nün övladlığa verilməsi nəzərdə tutulub: "Onların hamısı valideyn himayəsindən məhrum olan uşaqlardır. 17-si sağlam, 16-sı isə sağlamlıq imkanı məhduddur. Həmin uşaqlar da 10-dan yuxarı yaş həddindədirlər. Təəssüf ki, bu gün həmin uşaqları himayəyə götürmək istəyən ailə yoxdur. Çünki Azərbyacanda vətəndaşlar sağlam və əsasən 3 - 6 yaşlı uşaqları himayəyə götürmək istəyir".
Nazirlik rəsmisi onu da qeyd edib ki, 2010 - 2015-ci illərdə Azərbaycanda övadlığa verilməsi mümkün olan uşaqlardan 52-si övladlığa verilib. Uşağın təhsilə, ailəyə uyğunlaşması ilə bağlı sonradan bəzi problemlərin yaranma halları da olur.
www.ann.az
Twitter
Bizi Twitterdə izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
