“Mənə ailəmlə o ölkədə yaşamaq təklif edilmişdi...” - Əylisli

Ə.Əylisli "Qafqazinfo”ya açıqlamasında bu iddiaları absurd adlandırıb. Yazıçı bildirib ki, əgər ölkədən qaçmaq niyyəti olsaydı, başqa vasitələrə əl atardı:

"Bu, sifarişli, şər-böhtan kampaniyasıdır. Son vaxtlar şər-böhtan atmaq aktual olub. Bunu yazan şəxsi məhkəməyə verə bilərəm. Sübut etsin ki, hara və niyə qaçırdım. Azərbaycandan qaçmaq heç yuxuma da girmir. Mənim hara və niyə getdiyim bəlli idi. "Daş yuxular” əsəri ilə bağlı müzakirələrin qızğın vaxtında mənə Norveçdə Penklub xəttiylə ailəmlə birgə yaşamaq təklif edilmişdi. Əgər belə bir niyyətim olsaydı, təklifi elə o zaman qəbul edərdim.

Bu nanəcib şeylər görünür kimlərəsə lazımdır. Belə kampaniyalarla hadisələrdən xəbəri olmayan kütləni aldatmaq olar”.

Yenidən "Nobel” mükafatına namizədliyinin irəli sürülməsinə gəlincə, yazıçı qeyd edib ki, ikinci dəfə kiminsə onun namizədliyini təqdim edəcəyinə inanmır:

"Məni Nobelə təqdim edənlər adlı-sanlı adamlar, ötəri siyasi ehtirasa qoşulmayan alicənab, nüfuzlu alimlər idi. Kiminsə yenidən namizədliyimi sürəcəyinə inanmıram. Əgər doğru olarsa, buna ancaq sevinə bilərəm”.