Bakida ingilis dilində YENİ MƏKTƏB

Tədris prosesi tam ingiliscə olan "SABİS Sun İnternational School” bu il  şagirdlərin sayını 70-dən 1500-ə kimi artırmaq niyyətindədir. Bunu ANN.Az-a məktəbin direktoru Jacobus Gericke bildirib. 

"Məktəbdə hələlik 70-dən çox uşağın qeydiyyatdan keçəməsinə baxmayaraq, ümumi tədris mərkəzi üçün 1500 nəfər nəzərdə tutulub və bu il biz bu qədər şagirdi məktəbə cəlb etmək niyyətindəyik",  – deyə məktəbin direktoru Jacobus Gericke söyləyib.  

 

Onun sözlərinə görə, bu məqsədlə  məktəb "açıq qapı" təşkil edib. "Açıq qapı” təşkil etməkdə məqsəd valideynləri məktəblə tanış etmək, gələn qonaqları məktəb barədə məlumatlandırmaqdır. Keçən ilin sentyabrından məktəb fəaliyyətə başlayıb. Hazırda yeni tədris ili üçün qeydiyat keçirilir və bu proses bu ilin sentyabra kimi davam edəcək.  Tədris mərkəzininin ərazisi 70.000 kvadrat metrdir. Məktədə təhsil ingilis dilində olsa da Azərbaycanın tarixi, coğrafiyası, ədəbiyyatı da uşaqlara tədris edilir”.  

 

Gericke bildirib ki, uşaqları bağçada qeydiyyatdan keçirdikdən sonra, onlara daha çox riyaziyyat və ingilis dili öyrədilməyə başlanılır: "Məktəbdə tədris beynəlxalq təhsil standartları proqramına uyğun aparılır. Musiqi təhsilinə də xüsusi önəm verilir. Aşağı siniflərdə musiqi nəzəriyyəsi,  yuxarı siniflərdə isə artıq piano, gitara dərsləri keçirilir”.

 

Məktəbdə təhsil ödənişlidir.

 

Məktəb Zıx Şossesinin 22-ci kilometrində yerləşir. Telefon:  (+994) 12 404 74 41,  (+994) 12 404 74 42 , (+994) 12 404 74 44

 

 

www.ann.az