QMİ: Məscidlərdə kəbin kəsdirənlərdən rəsmi nikah sənədi tələb olunur
10.05.2016 17:27
Azərbaycanda bütün məscidlərdə dini kəbin kəsdirən şəxslərdən Ədliyyə Nazirliyi Vətəndaşlıq vəziyyəti aktlarının dövlət qeydiyyatı (VVAQ) şöbələrinin rəsmi nikah sənədi tələb olunur.
Bunu Trend-ə Qafqaz Müsəlmanları İdarəsi (QMİ) sədrinin müavini, "Heydər" Məscid Kompleksi İdarəsinin sədri Hacı Sabir Həsənli deyib.
S.Həsənli bildirib ki, dini kəbin kəsilərkən mütləq rəsmi nikah sənədi təqdim edilməlidir: "Azərbaycanda məscidlərin hamısında dini kəbin kəsilərkən rəsmi nikah sənədi tələb edilir. Bu barədə QMİ-nin rəsmi göstərişi olub. VVAQ-ın sənədi olmadan dini kəbin kəsdirmək mümkün deyil. Sovet dövründə də belə idi, müstəqillik dövründə də belədir".
O əlavə edib ki, "Heydər" məscidində dini kəbin kəsilərkən qeydiyyat aparılır: "Burada nəinki dini kəbinlər, bütün müraciətlər qeydiyyatdan keçirilir".
www.ann.az
Telegram
Bizi Teleqramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
