Mülki Aviasiya Administrasiyasının direktoru jurnalistin sualından niyə qaçdı? - VİDEO

Azərbaycan dövlət Mülki Aviasiya Administrasiyası Əfqanıstanda AN-12 təyyarəsinin qəzaya uğraması barədə məlumat yayıb. ANS TV-nin məlumatına görə, administrasiyanın yaydığı xəbərdə bildirilir ki, Əfqanıstanın Dvayer hava limanında mayın 18-i yerli vaxtla təxminən saat 14:30-da An-12 təyyarəsinin havaya qalxması zamanı aviasiya hadisəsi baş verib.

Təyyarə Əfqanıstan daxilində yük daşımalarını həyata keçirmək məqsədilə "Silk Way” şirkətindən icarəyə götürülüb.

Türkmənistanın Mari şəhərinə yola düşüb. Təyyarənin göyərtəsində yük olmayıb. Göyərtədə olan 9 ekipaj üzvündən 7-si dünyasını dəyişib. Onlardan 5-i Azərbaycan vətəndaşıdır. Digər iki nəfər isə Özbəkistan və Ukrayna vətəndaşlarıdır.

Təyyarədə olan iki nəfər sağ qalib. Bunlar Ukrayna vətəndaşları Andrey Qanja və Rəmzi Əliyevdir. Onların vəziyyəti stabil qənaətbəxş olaraq qiymətləndirilir.

"Silk Way”-in təyyarəsinin vurulmadığı barədə məlumat yayılıb. Azərbaycan hava gəmisinə hərbi müdaxilə olmayıb.

"Associated press”in məlumatına görə, bu barədə Əfqanıstandakı ABŞ rəsmisi bildirib.

Qeyd edək ki, uzun sürən, təxminən 1 sutkalıq susqunluqdan sonra, nəhayət ki, Mülki Aviasiya Administrasiyasının rəhbərliyi AZAL-da mətbuat konfransı keçirdi.

Administrasiya direktoru Arif Məmmədov deyib ki, ilkin ehtimala görə, An-12 təyyarəsi havaya qalxdıqdan sonra maneəyə çırpılıb.

Daha sonra ANS-in əməkdaşının "niyə insanlara gec məlumat verildi, niyə bu qədər susdunuz” sualına Administrasiya direktoru Arif Məmmədov zalı tərk edərək cavab verdi...