Təhsil Nazirliyi iddialara münasibət bildirdi

Nazir müavini "Report”a açıqlamasında hansısa gərginliyin olmadığını deyib: "Dövlət İmtahan Mərkəzi publik hüquqi şəxsin təsdiq edilən Nizamnaməsində hansı qurumun hansı sahələrdə məsuliyyət daşıması konkret göstərilib və bu sənədə əsasən, bəzi məsələlər Təhsil Nazirliyi ilə razılaşdırılmalıdır”.

Onun sözlərinə görə, təhsil sahəsində keyfiyyətə nail olmaq üçün hər iki qurum birgə işləyəcək: "Yəqin ki, birgə səylər nəticəsində ümumi keyfiyyətə, səmərəliliyə nail olacağıq. Əsas odur ki, şəffaf, səmərəli sistem fəaliyyət göstərsin, ali məktəblərə, orta ixtisas məktəblərinə yüksək səviyyəyə malik abituriyentlər qəbul olsun. Hazırda yeni yaradılan qurumla nazirlik bu istiqamətdə əməkdaşlıq edir”.