Quduzluğa yoluxan qadın öldü

Zaqatalada quduzluq xəstəliyi aşkarlanan 47 yaşlı qadın ölüb.

APA bu xəbəri Zaqatala Mərkəzi Rayon Xəstəxanasına istinadən yayıb. 

Xəstəxanadan bildiriblər ki,Faldar kənd sakini, 47 yaşlı P.T. bu gecə dünyadan köçüb. 

P.T. mayın 22-də quduzluq xəstəliyi əlamətləri ilə xəstəxanaya qəbul edilmişdi. 

Səhiyyə Nazirliyindən bildiriblər ki, hələ aprel ayının 1-də onu yaşadığı kənddə küçə iti dişləyib. P.T. vaxtında həkimə müraciət etməyib. Yalnız bu xəstəliyin əlamətləri üzə çıxandan sonra həkimlərə üz tutub. Onda isə artıq gec olub.