Deputat Yasamal məktəblərində olub

 

Milli Məclisin Elm və Təhsil komitəsinin üzvü olan Elşad Həsənov son illər təhsil sahəsində aparılan islahatlar barədə məlumat verib. Milli Məclis üzvü bildirib ki, ölkə rəhbərliyinin dəstəyi ilə Təhsil Nazirliyinin həyata keçirdiyi islahatlar təhsilin  keyfiyyətini yüksəltmək məqsədi daşıyır. Millət vəkili vurğuladı ki, dünyanın qabaqcıl təhsil təcrübəsinin Azərbaycanda tətbiqi, müəllimlərin peşəkarlıq səviyyəsinin artırılması, gənc nəslin müstəqil həyata hazırlanması təhsil sisteminin qarşısında duran əsas vəzifələrdəndir.

Yasamal rayon orta məktəblərinə səfəri çərçivısində Elşad Həsənov 60 saylı məktəbə də baş çəkib. Millət vəkili yeniyetmə və gənclərin savadlı yetişməsində  pedaqoji kadrların rolunu xüsusi vurğulayaraq  qeyd edib ki, bu sahədə köklü islahatlar aparılır.  Öz növbəsində məktəb rəhbərliyi təhsilin vəziyyəti, qarşıda duran məqsədlər haqqında məlumat verib. 

Millət vəkili bildirib ki, görüşdə qaldırılmış məsələlərin həlli onun şəxsi nəzarətində olacaq və müvafiq hakimiyyət orqanları ilə birgə həlli istiqamətində səy göstəriləcək.

[email protected]