Azərbaycanın çaylarında daşqınlar gözlənilir

 

AMEA Coğrafiya İnstitutunun direktor müavini Elbrus Əlizadə bildirib ki, yağışlardan sonra ölkə üzrə əsas təhlükəli vəziyyət daşqın və sürüşmələrlə bağlıdır. Hazırda çaylardan daşqınların keçdiyini deyən direktor müavini qeyd edib ki, daşqın təhlükələri əsasən, Böyük Qafqazın cənub yamacındakı çaylardadır: "Bundan əlavə, Lənkəran çaylarında, şimal-şərq yamacda - Tovuz, Gədəbəy, Daşkəsən zonası çaylarında, Gəncəçay zonasında daşqınların olma ehtimalı yüksəkdir. Bunların da səbəbi yağıntının çox olması ilə bağlıdır. Hazırda çaylarda gursululuq dövrüdür. Yaxın günlərdə yağışların çox yağması nəticəsində gursululuq daşqınlara çevrilə bilər”.