Tərtərdə partlayış: 8 yaşlı uşaq xəsarət aldı

 

APA-nın Qarabağ bürosunun məlumatına görə, hadisə rayonun Əskipara kəndində qeydə alınıb.

Əslən Laçın rayonundan olan məcburi köçkün, Əskipara kənd sakini, 8 yaşlı Elvin Hüseynli həyətlərində toplanan tullantılara od vurub. Daha sonra gözlənilmədən partlayış baş verib. 

Nəticədə uşaq xəsarət alıb. Yanıq xəsarəti alan azyaşlı Tərtər Rayon Mərkəzi Xəstəxanasına çatdırılıb.

Xəstəxanadan verilən məlumata görə, E.Hüseynli üz nahiyəsi və iki ayaqlarında yanıq xəsarəti ilə xəstəxanaya daxil olub. O, ambulator müalicə aldıqdan sonra evə buraxılıb.

Azyaşlının həyatı üçün təhlükə olmadığı bildirilir. Onun yaralanmasına səbəb olan hərbi sursatın adı məlum deyil.