Məzunları ən çox “2” almış rayonlar – SİYAHI
12.07.2016 16:03
Tələbə Qəbulu üzrə Dövlət Komissiyası (TQDK) tərəfindən bu il 9 və 11-ci siniflər üzrə keçirilən imtahanların nəticələrinə əsasən 36 min şagird Ana dilindən, 42 mindən çox şagird riyaziyyatdan "2” qiyməti alıb.
ANN.Az AzVision.az-a istinadən xəbər verir ki, IX sinif şagirdləri arasında Ana dili fənnindən 20911 nəfər (20,06%) "2”, riyaziyyat fənnindən 26438 nəfər (25,31%) "2” qiyməti alıb.
XI sinif şagirdləri arasında isə Ana dili fənnindən 15486 nəfər (18,34%) "2”, riyaziyyat fənnindən 16038 nəfər (18,96%) "2” qiyməti alıb.
TQDK-nın mətbuat xidmətindən verilən məlumata görə, məzunları Ana dili və riyaziyyatdan ən çox "2” alan 5 şəhər və rayonların adları müəyyən edilib.
Belə ki, 9-cu siniflər üzrə Ana dilindən Cəlilabad, Kürdəmir, Sabirabad, İmişli, Yardımlı rayonlarının məzunları, riyaziyyatdan isə Daşkəsən, Cəlilabad, Kürdəmir, Sabirabad, Tərtər rayonlarının məzunları "2” qiyməti alıb.
11-ci siniflər üzrə Ana dilindən Sabirabad, Ağcəbədi, Daşkəsən, Kürdəmir, Ağsu rayonlarının məzunları, riyaziyyatdan isə Sabirabad, Ağcəbədi, Daşkəsən, İmişli, Hacıqabul rayonlarının məzunları "2” qiyməti alıb.
www.ann.az
Twitter
Bizi Twitterdə izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
