ADU-da Çin Xalq Azadlıq ordusunun yaranmasının növbəti ildönümü qeyd olundu

Seminarı açıq elan edən ADU-nun nəzdində Konfutsi İnstitutunun Azərbaycan tərəfindən direktoru, professor Rafiq Abbasov tarixi İpək Yolunun bərpasında Azərbaycanın geostrateji rolu haqqında danışaraq Avrasiya nəqliyyat dəhlizlərinin fəaliyyət təhlükəsizliyinin təmin edilməsinin əhəmiyyətini xüsusi vurğuladı. R.Abbasov, həmçinin Azərbaycan Respublikasının Prezidenti, Ali Baş Komandan İlham Əliyevin  hərbçilərlə görüşdə dünya səviyyəsində güclü orduların sırasına daxil olan və istənilən vəzifənin icrasına hazır Azərbaycan ordusu haqqında olan nitqindən sözləri xatırlatdı. 

Seminarda Azərbaycanın Çindəki səfirliyinin keçmiş hərbi attaşesi, tarix elmləri doktoru Nurulla Əliyev Asiyadakı müasir hərbi-siyasi və geoiqtisadi proseslərdə Çinin iştirakından bəhs etdi. 

 

ADU-nun Regionşünaslıq və Beynəlxalq Münasibətlər fakültəsinin Çinşünaslıq ixtisası üzrə təhsil alan tələbələri seminarda hesabatlarla çıxış edərək Çinin "fəal müdafiə” strategiyası, hərbi sahədə Çin ordusunun modernləşdirilməsinə yönəlmiş islahatlar, təhlükəsiz İpək Yolu marşrutlarının formalaşması tarixi, qədim dövlətlərin Şərq və Qərbi birləşdirən karvan yollarına nəzarət uğrunda mübarizəsi haqqında danışdılar. 

 

Seminarın işində ÇXR-in Azərbaycandakı səfirliyinin Siyasi şöbəsinin müdiri cənab Cen iştirak edirdi.