AMEA Genetik Ehtiyatlar İnstitutunda yeni şöbə yaradıldı
02.09.2016 19:13
Azərbaycan Milli Elmlər Akademiyasının (AMEA) elmi müəssisə və təşkilatlarında ictimaiyyətlə əlaqələr üzrə fəaliyyətin daha da təkmilləşdirilməsi, elmi informasiya təminatının gücləndirilməsi istiqamətində işlərin yeni keyfiyyətdə davam etdirilməsi üçün ictimaiyyətlə əlaqələr üzrə müvafiq qurumların yaradılması zərurəti meydana çıxıb.
Bu məqsədlə AMEA Rəyasət Heyətinin 29 iyun 2016-cı il tarixli 9/6 nömrəli qərarına əsasən Genetik Ehtiyatlar İnstitutunda "İctimaiyyətlə əlaqələr” şöbəsi yaradılıb. İnstitutda fəaliyyət göstərən "İnternet və multimedia qrupu”, o cümlədən Muzey həmin şöbənin tərkibinə keçirilib.
Yeni yaradılan şöbə İnstitutda müxtəlif sahələr üzrə aparılan elmi tədqiqat işləri və əldə olunmuş nailiyyətlər, elmi-texniki tərəqqinin yenilikləri barədə ictimaiyyətin mütəmadi və ətraflı məlumatlandırılmasına xidmət edəcək.
Şöbəyə rəhbərlik biologiya üzrə fəlsəfə doktoru Ayaz Məmmədova həvalə edilib.
www.ann.az
Facebook
Bizi Facebookda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
