Kiflənmiş çörək xərçəng yaradır

Mütəxəssislər xəbərdarlıq edirlər ki, həmçinin xarab tərəfini qoparıb çörəyin qalanını yemək də təhlükəlidir.

 

ANN.Az deyerler.org-a istinadən bildirir ki, bayat çörəkdəki aflatoksin, mədə, bağırsaq və qaraciyər xərçənginə yol açır. Çörəkdən əlavə, köhnə, xarab fındıq, fıstıq kimi quru meyvə və istiot kimi ədviyyatlar da xüsusən qaraciyəri zədələyir.

 

Mütəxəssislər qaraciyərin bədəndəki toksinləri təmizləyən orqan olduğunu, çox toksinlə qarşılaşanda da zədələndiyini bildiriblər. Qaraciyər xərçənginin əmələ gəlməsində aflatoksinin çox mühüm rolu var. Uzun müddət açıqda qalan taxıl, quru meyvə və ədviyyat kimi qidalarda bu maddə yarana bilər. Bu səbəblə bu cür qidalar yeyilərkən qoxusuna və görünüşünə diqqət edilməlidir.

 

Həkimlər, insanların etdikləri ən böyük səhvin xarab tərəfi kəsib ərzaqların yeyilməsinə davam edilməsi olduğunu deyir. Bu məsələyə diqqət etmək vacibdir.