Çörək niyə qablaşdırılmadan satılır? - VİDEO

 Onların sözlərinə görə, istehsal tarixi məlum olmayan belə çörəklərin çəkisi də az olur.

Qablaşdırılan çörəyin üzərində istehsal tarixi və çəkisi olduğu halda açıq satılan çörəklərdə bu məlumatları əldə etmək olmur. İnsanlar onun yumşaqlığına və çəkisinə gözəyarı baxaraq qərar verirlər.

ANN.Az xezerxeber.com-a istinadən bildirir ki, satıcıların sözlərinə görə, tələbat daha çox qablaşdırılan çörəklərədir. Hətta çörəyin açıq şəkildə satılmasına görə iradlarını onlara bildirənlər də var.

Məsələyə münasibət bildirən Standartlaşdırma, Metrologiya və Patent üzrə Dövlət Komitəsinin sözçüsü Fazil Talıblı çörəyin çəkisinin standartda sərbəst buraxıldığını deyir. Belə ki, çörək standartında çəki və qablaşdırma məsələsi sahibkarların öz ixtiyarına verilib.

Gigiyenik hesab olunduğundan qablaşdırılan çörək daha çox satılır.

Fazil Talıblı deyir ki, qablaşdırılan çörəklərin üzərində çəkisi və istehsal tarixi mütləq olmalıdır. Çünki burada söhbər artıq, çörək standartından yox, məhsulun qablaşdırılma standartından gedir.