BANM “10-cu Yubiley Beynəlxalq Təhsil Sərgisi”ndə

 Sərgidə BANM-in yeni kampusunun maketi, müxtəlif broşürlər, kitablar və digər tanıtım materialları təqdim olunub. BANM-in rektoru Elmar Qasımov sərgidə iştirak edib. BANM-in sərgidəki təqdimatı ziyarətçilər tərəfindən maraqla qarşılanıb. BANM-in əməkdaşları və tələbələri ziyarətçilərin, xüsusilə tələbələrin və BANM-də təhsil almaq istəyən yuxarı sinif şagirdlərinin çoxsaylı suallarını cavablandırıblar.

Qeyd edək ki, bu il "Təhsil Sərgisi”ndə Azərbaycan, Almaniya, Latviya, Litva, Polşa, Macarıstan və digər ölkələrin ali təhsil müəssisələri, kollec və digər təhsil qurumlarının nümayəndələri sərgi ziyarətçilərini təhsil proqramları ilə tanış ediblər. Ümumilikdə, sərgi çərçivəsində ziyarətçilərə bakalavriat, magistratura, aspirantura, eləcə də ikinci ali təhsil və MBA proqramı, o cümlədən işgüzar xarici dil kursları, təcrübə və treninqlər üzrə proqramlar təqdim olunub.