Bakının kəndində su evlərə doldu - "Hazırda yol tamam bağlanıb" - FOTOLAR

Bu sözləri qafqazinfo-ya şikayətində Abşeron rayon, Məhəmmədi kənd sakini Nizami Sadıqov deyib.

Kənd sakini bildirib ki, hazırda kənddəki 70-dən çox evi su basıb:

"Məhəmmədi bələdiyyəsində olduq. Dedilər ki, bizim gücümüz çatmir. Daha sonra FHN-ə zəng vurduq. Onlar da bildirdilər ki, gözləyək. Nə vaxt deyilsə, onda gələcəklər. Hazırda yol tamam bağlanıb. Nə uşaqlar məktəbə gedə bilir, nə də ki biz hərəkət edə bilirik".

Kənd sakini onu da bildirib ki, yaşadıqları ərazidə kanalizasiya sistemi yoxdur: "Dəfələrlə müraciət etmişik, ancaq bizə kanalizasiya sistemi çəkilmir".