NASA-da təcrübə keçəcəyi deyilən gənclə bağlı Səfirlikdən AÇIQLAMA
27.10.2016 15:55
ABŞ-ın Azəbaycandakı səfirliyi NASA-da təcrübə keçəcəyi deyilən gənclə bağlı məlumat yayıb.
ANN.Az xəbər verir ki, səfirliyin rəsmi "Facebook” səhifəsindən paylaşılan məlumatda qeyd olunub ki, paylaşdığımız hekayə ilə bağlı bir çox şikayət gəldi və Kənan Əhmədlinin NASA-da təcrübə keçmək barədə məlumatın yanlış olduğu iddia edildi:
"Biz məsələni araşdırdıq və çoxsaylı şikayətləri, həmçinin, məsələ ilə bağlı bizimlə paylaşılan məlumatları nəzərə alaraq, qərara gəldik ki, paylaşdığımız məlumat səhdir. Bizə məlumat KİV-dən daxil olub və sosial şəbəkələrdə məsələ ilə bağlı yayılan məlumatların doğru olub-olmadığını yoxlamaq bir qədər zaman alıb. Məsələyə aydınlıq gətirmək üçün bizə kömək edən və bununla bağlı məlumat verən hər bir kəsə ayrı-ayrılıqda təşəkkür edirik”.
Qeyd edək ki, sosial şəbəkələrdə və yerli KİV-də 20 yaşlı Kənan Əhmədlinin NASA üçün xüsusi sistem hazırladığı və buna görə də, NASA-da təcrübə keçəcəyi ilə bağlı məlumat yayılmışdı.
Kamil ƏMİRLİ
www.ann.az
Telegram
Bizi Teleqramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
