Valideynlərin mənalarını anlamadıqları 10 PEŞƏ
03.11.2016 19:35
Çox valideynlər öz övladlarının işdə nə ilə məşğul olduqlarını bilmirlər. Lakin bunu öyrənmək istəyirlər.
2016-cı ildə bütün dünya üzrə LinkedIn tərəfindən aparılmış sorğu onu göstərdi ki, sorğunun aparıldığı 16529 ailədə valideynlərin 2/3 hissəsi övladlarının nə ilə məşğul olduğunu bilmir. Bu boşluğu doldurmaq üçün "Business Insider” nəşriyyatı anlaşılması çətin olan 10 peşənin siyahısını təqdim edib.
Auditor
Peşəni anlamayan valideynlərin faizi: 51%
Bu insanlar maliyyə hesabatlarını tərtib edir və yoxlayırlar.
Proqram təminatı developeri
Peşəni anlamayan valideynlərin faizi: 58%
Onların öhdəliklərinə adi insanların gündəlik istifadə etdikləri texnologiyaların yaradılması və təkmilləşdirilməsi daxildir. Bura smartfonlar üçün nəzərdə tutulmuş tətbiqlərdən tutmuş kompüterlər üçün proqram təminatı daxildir.
İnvestisiya bankiri
Peşəni anlamayan valideynlərin faizi: 59%
Bu mütəxəssislər pulu olan insanlar ilə pul axtaran insanlar arasında əlaqə qururlar. Onlar həmçinin şirkətlərə istiqrazların, səhmlərin buraxılmasında və digər şirkətləri əldə etmələrində yardımçı olurlar.
Sosioloq
Peşəni anlamayan valideynlərin faizi: 60%
Sosioloqlar insanların davranışlarını və baxış bucaqlarını öyrənmək üçün onlarla müsahibə aparan insanlardı.
Radio prodüsseri
Peşəni anlamayan valideynlərin faizi: 62%
Bu insanlar radiodakı hansısa verliş və ya rubrikanı idarə edərək musiqi siyahısını hazırlayır, lazımi qonaqları dəvət edir və studiyaya zəngləri təşkil edirlər.
Şöbə redaktoru
Peşəni anlamayan valideynlərin faizi: 66%
Bu insanlar, dərc olunmamışdan öncə qəzetlər, jurnallar və veb saytlar üçün mətn materiallarını yoxlayırlar.
Sosial şəbəkələrdə marketinq üzrə menecer
Peşəni anlamayan valideynlərin faizi: 67%
Bu peşənin sahibləri Facebook və Twitter kimi platformalardan auditoriya ilə şirkət adından ünsiyyət qurmaq üçün istifadə edən insanlardır.
Məlumatların yoxlanılması üzrə mütəxəssis
Peşəni anlamayan valideynlərin faizi: 72%
Onlar hansısa şirkətdə yığılmış məlumatları analiz edərək rəhbərliyin daha faydalı qərarı qəbul etməsində yardımçı olurlar.
Sığorta hesablamaları üzrə mütəxəssis
Peşəni anlamayan valideynlərin faizi: 73%
Bu mütəxəssislər statistik məlumatların sayəsində müştərilərin sığorta qiymətini və risklərini müəyyən edirlər.
İstifadəçi interfeysinin developeri
Peşəni anlamayan valideynlərin faizi: 80%
Bu peşənin sahibləri adi istifadəçinin veb saytda qarşılıqlı əlaqədə olduğu elementləri hazırlayır. Məsələn onlayn mağaza saytlarındakı düymələr.
www.ann.az
Twitter
Bizi Twitterdə izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
