ADU-da Çinin müasir tarixinə həsr olunmuş elmi seminar

Açılış nitqi ilə çıxış edən Konfutsi İnstitutunun Azərbaycan tərəfindən direktoru, professor Rafiq Abbasov Sun Yatsenin siyasi fikirləri haqqında danışdı, onun beş hökumət konstitusiyası və üç xalq prinsipindən söz açdı. O, eyni zamanda Sun Yatsenin Çin xalqının birliyində əvəzolunmaz rolundan bəhs etdi.

Regionşünaslıq və Beynəlxalq Münasibətlər fakültəsinin Çinşünaslıq ixtisası üzrə təhsil alan tələbələrin iştirak etdiyi seminarda Çin xalqının azadlığı, həmçinin müstəqilliyi uğrunda siyasi fəaliyyət göstərən Sun Yatsenin müvəqqəti prezident vəzifəsində olduğu dövrdə Nankin hökumətinin fəaliyyəti, Sinxay inqilabının əsas mərhələləri və onun hərəkət qüvvələri haqqında fikirlər səsləndirildi.

Sonda Çin Xalq Respublikasının quruluşunun tarixindən bəhs edən "Sonuncu imperiyanın süqutu” adlı film nümayiş olundu.