Yeni sürüşmə sahələri yaranıb - Azərbaycanda TƏHLÜKƏ
14.11.2016 16:15
Azərbaycanın bəzi ərazilərində yeni sürüşmə sahələri əmələ gəlib, mövcud sürüşmə sahələrinin bəziləri isə aktivləşib.
Ekologiya və Təbii Sərvətlər Nazirliyinin Kompleks Hidrogeologiya və Mühəndis Geologiyası Ekspedisiyasının ekzogen geoloji proseslərin öyrənilməsi partiyasının rəisi Sadiq Əmiraslanov Trend-ə deyib ki, aparılan monitorinqlərin nəticələrinə əsasən, cənub bölgəsində - Lənkəran, Yardımlı, Lerik rayonlarındakı mövcud sürüşmə sahələrində aktivləşmə müşahidə edilib. Burada eyni zamanda, yeni, lokal xarakterli sürüşmə və oturmalara (sürüşmə prosesinin ilkin əlaməti) da rast gəlinir.
S.Əmiraslanovun sözlərinə görə, əsasən, Lənkəran çayının sağ və sol sahilində yerləşən kəndlərdə lokal tipli sürüşmələr müşahidə olunur.
Nazirlik rəsmisi əlavə edib ki, atmosfer yağıntılarının normadan artıq düşməsi nəticəsində Şamaxı rayonundakı mövcud sürüşmə sahələrində aktivləşmə müşahidə edilib. Bundan başqa, Şamaxı rayonun Mədrəsə kəndində yeni sürüşmə sahəsi əmələ gəlib, kənd ərazisindəki yol sıradan çıxıb:
"Eyni zamanda Cabanı kəndi ərazisində buna bənzər proses müşahidə edilib. Çuxuryurd gölünün səviyyəsinin artması ilə əlaqədar kəndə gedən yolda sürüşmə qeydə alınıb”.
www.ann.az
Twitter
Bizi Twitterdə izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
