BDU-da Beynəlxalq Tolerantlıq günü qeyd edildi

 

Universitetin mətbuat xidmətindən ANN.Az-a verilən məlumata görə, müəllim və tələbələrin iştirak etdiyi tədbirdə çıxış edən dekan, professor Hikmət Əlizadə 2016-cı ilin Prezident İlham Əliyevin sərəncamı ilə "Multikulturalizm ili” elan edilməsindən, o cümlədən ölkəmizin tolerantlıq məkanına çevrilməsindən bəhs edib.

Bakı Beynəlxalq Multikulturalizm Mərkəzinin icraçı direktoru, professor Azad Məmmədov mərkəzin fəaliyyəti barədə məlumat verərək Azərbaycanda bu sahədə uğurlu siyasətin aparıldığını vurğulayıb.

Daha sonra Sosiologiya kafedrasının professoru Kazım Əzimovun "Multikulturalizm: beynəlxalq təcrübə və Azərbaycan modeli” adlı məruzəsi dinlənilib. 

Qeyd edək ki, tədbir Bakı Beynəlxalq Multikulturalizm Mərkəzi ilə birgə təşkilatçılıq nəticəsində reallaşıb.