Əhvalı yüksəldən qidalar

ANN.Az ATV.az-a istinadən əhvalınızı yüksəldəcək qidaların siyahısını təqdim edir:

İspanaq, Brüssel kələmi kimi qidalar depressiya simptomlarının azalmasına səbəb olar. Çünki sözügedən bitkilərin tərkibində fol turşusu və B vitaminləri var. Bunlar isə birbaşa əhvalı yüksəldən qidalardır.

Balıq beynin və ürək-damar sisteminin inkişafına yol açır. Bundan başqa, balığın tərkibində olan yağ əhvalın yüksəlməsinə təsir göstərir. Qızıl balıq bu baxımdan daha faydalıdır. 

Portağalda olan B6 vitamini bu meyvəni daha da dəyərli edir. Çünki araşdırmalarla portağalın əhvalı müsbətə köklədiyi sübut olunub.

Əhvala müsbət təsir edən amillərdən biri də zəfərandır. Bu qiymətli ədviyyat yeməklərə qatılaraq da istifadə oluna bilər.

Şokolad zərərli hesab edilən narkotik maddədən alacağınız həzz qədər sizə yüksək əhval-ruhiyyə bəxş edə bilər. Əgər özünü yorğun hiss edirsinizsə, şokolad yeyərək bundan azad ola bilərsiniz. Digər maddələrlə yanaşı, şokoladın tərkibindəki kofein də əhvalınıza müsbət təsir göstərəcək.

Mütəxəssislər günorta saat 15:00-17:00 arası 120 kaloridən çox olmayaraq 25-30 qrama qədər karbohidratli yeməklərdən istifadə etməyi məsləhət görürlər. Amma bu zaman diqqətli olmaq lazımdır. Çünki bu, şəkər xəstələrinə məsləhət görülmür.