BDU-da "İlin tələbəsi" adı 100 manata satılır?

Bu haqda ANN.Az-a adının anonim saxlanılmasını istəyən şəxs universitetin Jurnalistika fakültəsində rüşvət alınması ilə bağlı şikayətində bildirilib.

Şikayətçinin sözlərinə görə, fakültədə ilin tələbəsi adına görə müraciət edib, amma pul verməyənlər siyahıdan çıxarılır: 

"Siyahıda kəsri olanlar, dərslərdə daimi iştirak etməyən uşaqların adı var. İlin tələbəsi adını tələbələrə 100 manata satırlar. Hətta, elə tələbə var ki, ondan 120 manat istəyirlər. Tələbə Həmkarlar İttifaqı Komitəsinin (THİK) hər fakültə üzrə olan nümayəndələri fəxri ada görə pul yığırlar. Pulu vermədikdə, ilin tələbəsi adını da vermirlər. Yığıdıqları pullar da ciblərinə gedir”, - deyə şikayətçi əlavə edib.

Əldə etdiyimiz məlumata görə, sözügedən hal yalnız Jurnalistika fakültəsində deyil, digər fakültələrdə də yaşanır. Bildirilir ki, "qiymətləri" fakültə üzrə THİK sədrləri özləri təyin edir.

Məsələ ilə bağlı BDU-nun mətbuat və informasiya şöbəsi ilə əlaqə saxladıq. 

 

 

Pərvanə İbrahimova - BDU-nun mətbuat katibi

Universitetin mətbuat katibi Pərvanə İbrahimova ANN.Az-a açıqlamasında məsələni təkzib edib:

Məsələni diqqətimizdə saxlayacağıq.