Övladlığa uşaq götürmək neçəyə başa gəlir?

Əksər hallarda əgər müvafiq orqanlara müəyyən məbləğdə pul ödənilmirsə, ər və arvadlar uşaq üzərində qəyyumluğu ala bilmir. Eyni zamanda, maliyyə məsələsi məhkəmədə də aktual olaraq qalır.

"Uşağı övladlığa götürmə proseduru həmin uşağın qohumları üçün ucuz başa gəlir. Bu halda məhkəməyə 2000 - 7000 min manat məbləğində pul ödənilməlidir. Uşağın valideyinlərinin qan qohumu olmayan şəxslər onu övladlığa götürürsə, onların ödəyəcəyi məbləğ 10 – 15 min manat həcmindədir”, - deyə vəkil qeyd edib. 

 

 

Samirə Ağayeva bildirib ki, daha bir ciddi problem ondan ibarətdir ki, baxmayaraq ki, bu barədə qanunvericilikdə heç bir qadağa yoxdur, amma tək qadın və kişi övladlığa uşaq götürə bilməz. Çünki onlar nikaha daxil deyillər.

Övladlığa uşaq götürən Kəmalə Kərimova (ad şərti dəyişdirilib) ilə əlaqə saxladıq.  O, həyat yoldaşı ilə uşaq götrdükləri zamam qarşılaşdıqları problemlər barədə danışıb. 

"Hepatit C daşıyıcısı olduğum üçün sənədlərimiz bir il gecikdi. Hamı bu barədə məni qorxudurdu. Amma heç kim deməmişdi ki, mən şəxsi həkimimindən xəstə yox, sadəcə virus daşıyıcısı olduğuma dair arayış almaqla, övladlığa uşaq götürə bilərdim. Nəticədə, məsələ uzandı və biz 1 ildən çox vaxt itirdik. Biz övladlığa götürmə növbəsində olduğumuz zaman növbədə olan digər şəxslər haqqında məlumat verilmirdi. Halbuki, biz onlardan nəsə öyrənə bilərdik”.  

"Biz digər ailələrdən eşitmişdik ki, onlar "siyahıda daha əvvələ gəlmək” üçün müəyyən məbləğ "pul” ödəyiblər. Beləliklə, "pul ödəyən” ailələr uşağı iki-üç ilə götürürsə, pul ödəməyən ailələr üçün bu prosses beş-altı ilə qədər uzana bilər”, - deyə xanım qeyd edib.