Hindistandan gətirilən peyvəndlər keyfiyyətsizdir? - RƏSMİ CAVAB

Lent.az-ın məlumatına görə, bunu Səhiyyə Nazirliyinin Analitik Ekspertiza Mərkəzinin Dərman vasitələrinin keyfiyyətinin yoxlanılması laboratoriyasının müdiri Polad Hacıbalayev deyib. P.Hacıbalayevin sözlərinə görə, ölkədə istifadə olunan peyvəndlər də digər dərman preparatları kimi mütləq dövlət qeydiyyatından keçməlidir. Onlara 5 illik istifadə üçün qeydiyyat vəsiqəsi verilir.

Dərman vasitələrinin qeydiyyatı ekspertizası şöbəsinin mütəxəssisi Ulduz Eyvazova isə deyib ki, peyvənd digər dərman preparatlarından fərqli olaraq bioloji maddə olduğundan onun əks təsirinin olması üçün bir çox amillər ola bilər və bu yöndə genetik faktorlar da rol oynayır. Çox zaman valideynlərin peyvənddən sonra uşaqlarda yüngül soyuqdəymə əlamətlərindən narahat olduqlarını qeyd edən U.Eyvazova deyib ki, valideynlər bunu peyvənd və vaksinlərin köhnə və əlavə təsiri ilə əlaqələndirirlər: " Əslində peyvəndlər uşaqlara ona görə vurulur ki, onlar infeksion xəstəlikləri yüngül formada keçirsinlər. Peyvənddən sonra uşaq orqanizmində həmin xəstəliklərə qarşı antitellər yaranır. Və mikrob orqanizmə düşdüyü zaman artıq uşağın bədənində buna qarşı qoruyucular olacaq. Yəni peyvənddən sonrakı əlamətlər əlavə təsir deyil, bunların olması normal reaksiyadır”.