Türkiyədə təhsil almaq istəyənlər azalıb - AÇIQLAMA

Türkiyədə yaşanan son hadisələr, xüsusilə, terror aktları qardaş ölkəyə oxumağa gedənlərin sayına təsir göstəribmi?

 

 

"Sayda azalma var, amma çox aşağıdır. Çünki Türkiyə bizim vətəndaşların gözündə xarci ölkə kimi görünmür. Son hadisələrdən sonra ümumi şəkildə azalma 15%-ə qədərdir. İstanbul, Ankara, İzmir, Türkiyənin digər şəhərləri valideynlərimiz və ya həmin bölgələrə oxumağa gedənlər üçün sanki ölkəmizi xatırladır. Sanki Azərbaycan daxilində bir bölgəyə oxumağa gedirlər. Bu səbəbdən, baş verənlər elə də ciddi təsir göstərmir. Qismən təsir olsa da, bu rəqəm o qədər də böyük deyil. Biz ciddi şəkildə sıxıntıların və ya buna bənzər hadisələrin olduğu  bölgələrə onsuz da tələbə göndərmirdik”.

"Türkiyədəki vəziyyətdən daha çox dünyada baş verən iqtisadi böhran xaricə təhsillə bağlı gedənlərin sayına ciddi təsir göstərib. Təhsillə bağlı digər ölkələrə gedən istər az, istərsə də yüksək büdcəli tələbələrin sayında azalma var. Dolların məzənnəsinin artması nəticəsində daha çox yük valideynlərin üzərinə düşüb. Əvvəllər xarici ölkəyə oxumağa gedən tələbə üçün aylıq yaşam xərci üçün təxminən, 300 manat kifayət idisə, böhrandan sonra bu rəqəm 500-600 manata qədər artıb. Yəni əvvəllər 1000 manat büdcəsi olan ailə üçün 300 manatı göndərmək uyğun idi, indi isə 600 manat göndərmək heç də rahat deyil”, - deyə Razi Vəliyev əlavə edib. 

Xatırladaq ki, Türkiyədə sonuncu dəfə yanvarın 1-də gecə saatlarında "Reina” adlı gecə klubunda terror aktı baş verib. Naməlum silahlı şəxs gecə klubuna daxil olaraq, oradakı insanlara atəş açıb. Hücum zamanı gecə klubunda 39 nəfər ölüb, 65-i isə yaralanıb.