Bakıda "Pioner evi" açılıb FOTOLAR

Təşkilatdan Trend-ə verilən məlumata görə, böyük bir mədəniyyətin qaytarılması və uşaqlar arasında böyüklərə hörmət - "Pioner Evinin” əsas vəzifələrindən biri bu kimi dəyərləri uşaqlara aşılamaqdır.

 

Pionerlər öz dövründə hamıya nümunə olmuşdular. Onlar mədəni və mənəvi dəyərlərə böyük hörmətlə yanaşır və bu dəyərləri qoruyaraq özlərindən sonra gələn gənc nəslə ötürürdülər. Pionerlər düzgün və sadiq dost, həqiqət tərəfdarlarıdır, onlar vətənin mənafeyi üçün çalışırlar, sülh üçün mübarizə aparırlar.

 

Pioner evində keçirilən dərsləri ziyarət edən uşaqlar nizam-imtizamı, məsuliyyəti, dünya görüşü, ətraf aləmi və daha çox şeylər öyrənəcəklər. Uşaqlar öz vaxtlarını səmərəli və sərfəli keçirəcəklər. Rəsm, şahmat, xarici dillər, etika dərsləri, aktyorluq həmçinin dərzilik sənəti ilə bağlı dərsləri öyrənə bilərlər. Pioner evində uşaqlar məktəbəqədər hazırlıq dərslərinə yazıla bilərlər. Bütün dərslər peşəkar müəllimlər tərəfindən keçirilir. Pioner evində keçirilən vaxt ( fərqli-fəqli dərnəklərdə uşaqlar öz qabiliyyətlərini göstərə bilərlər) sizin uşaqlara doğru yol seçməkdə kömək olacaq.

 

 

Başqa sözlə "Pioner evi” – həyata yeni addım atmağa başlayanlar üçün bir məktəbdir. Sizin uşaqlar öyrənməklə bərabər ən yaxşı müəllimlərdən nümunə götürəcəklər. Müasir dövrdə uşağın inkişafı üçün yol tapmaq çətindir. Müəllimlərə düşən vəzifə uşaqların təxəyyülünü inkişaf etdirmək, onları elmə, incəsənətə yönləndirməkdir.

 

Azərbaycan Gənclər İttifaqının nəzdində olan "Pioner Evinin” ünvanı – İstiqlaliyyət küçəsi 31.A, "İçərişəhər" metrostansiyası ilə üzbəüz. Bütün suallarla əlaqədar bu nömrələrə müraciət edə bilərsiniz: tel: 012 497 12 36, 012 511 26 11.