Etibarnamə ilə avtomobil almaq təhlükəlidir? - VİDEO
29.05.2020 03:01
Abşeron sakinin etibarnamə ilə aldığı avtomobil başına iş açıb. 10 il sonra maşının üzərinə həbs qoyulub. Səbəb isə avtomobilin əvvəlki sahibinin banka borcunun olmasıdır.
10 il əvvəl etibarnamə ilə aldığı avtomobilə özünün də xəbəri olmadan bir bankın iddiası əsasında həbs qoyulub.
Abşeron rayonu Məhəmmədli qəsəbəsində yaşayan Elburus Cəfərov 2007-ci ildə baş etibarnamə ilə minik avtomobili alıb. Bu müddət ərzində də öz adına qeydiyyata saldırmayıb.
Bir müddət əvvəl isə yol polisi əməkdaşları Elburus Cəfərovun avtomobilini saxlayaraq üzərinə həbs qoyulduğunu bildiriblər.
Avtomobilin əvvəlki sahibi ilə əlaqə saxladıqda isə o, yaxın müddətdə həmin borcu ödəyə bilməyəcəyini deyib. İndi Elburus Cəfərov maşının üzərindən həbsi götürtmək və avtombili öz adına qeydiyyata saldırmaq istəyir.
Bənzər alış-satışlarda etibarnamədən mümkün qədər uzaq durmağı məsləhət görən hüquqşünaslar isə bildirir ki, belə olanda avtomobilin üzərinə qoyulan həbs yalnız banka olan borc ödənildikdən sonra götürülə bilər.
Lakin Elburus Cəfərov yenidən məhkəmədə iddia qaldıra və maşına qoyulan həbsin götürülməsini tələb edə bilər. Bunun üçün avtomobilin 10 il ərzində onda olduğuna və bütün servis xərclərini də özü çəkdiyinə dair sübutlar tapmalıdır.
ANN.Az Xəzər Xəbər-ə istinadən mövzu ilə bağlı süjeti təqdim edir:
www.ann.az
Instagram
Bizi Instagramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
