Rusiyada iki azərbaycanlının cəsədi tapılıb

ANN.Az yerli KİV-ə istinadən xəbər verir ki, bu barədə prokurorluqdan bildirilib. 

Məlumata görə, Kubanda, Krasnodar şəhərinin mərkəzindəki yaşayış binasının liftində aşkarlanmış cəsədlər Azərbaycan vətəndaşlarına məxsusdur. Onların bədənlərində çoxsaylı güllə yaraları aşkarlanıb.

Faktla bağlı hüquq-mühafizə orqanları tərəfindən cinayət işi qaldırılıb və təhqiqat başlanılıb.

 

Xəbərdə qeyd olunur ki, öldürülənlər ticarətlə məşğul olub və Rusiyaya iş dalınca gəliblər. Hələlik öldürülmüş şəxslərin kimliyi açıqlanmır və qətlin təfərrüatları ilə bağlı geniş məlumat verilmir.