Bulvardakı pulsuz “Wi-Fi”dan necə istifadə etmək olar? – FOTO

ANN.Az Trend-ə istinadən xəbər verir ki, qeydiyyatdan keçmək üçün istifadəçilər mobil telefon, "notebook”, planşet və s. portativ cihazlarda şəbəkə siyahısında "Baktelekom”-u seçməlidirlər.

İstifadəçi açılan "Phone number” xanasına öz mobil telefon nömrəsini yazır və "Get password” düyməsini aktiv edir. Daha sonra sistem tərəfindən istifadəçinin mobil nömrəsinə SMS-lə şifrə göndərilir. 

Bu şifrə 3 saat ərzində aktivdir. İstifadəçi şifrəni "Password” xanasına daxil edərək ”Log In” düyməsini aktivləşdirir. Bununla da cihaz "İctimai Wi-Fi”a qoşulur.

SMS-lə göndərilən şifrə ilə yalnız 1 (bir) cihazın pulsuz internetə qoşulması təmin olunur.

İstifadəçi 1 saat pulsuz internetdən yararlanır. Bu müddət kifayət etmədikdə istifadəçi gün ərzində daha iki dəfə pulsuz xidmətdən faydalana bilər.